U-Raymond Mhlaba

U-Raymond Mhlaba

uBawo uRaymond Mphakamisi Mhlaba wazalwa ngomhla we-12 kweyoMdumba ngo1920, waza walishiya eli ngomhla wama-20 kweyoMdumba ngo2005. Wayelelinye lamatsha ntliziyo omzabalazo esilwa nengcinezelo ekwayinkokheli ye African National Congress (ANC). Lo kaMhlaba wachitha iminyaka engama-25 yonke ethothoza esentilongweni ngesigwebo sika dilika jele awayesaziwa ngaso bekunye noNelson Mandela, uGovan Mbeki, uWalter Sisulu nabanye , isigwebo setyala laseRivonia. Bonke ubomi bakhe ebudaleni bakhe wabuchitha evuth'amalangatye njengelungu leANC ekwalilo nelungu lombutho wamakomanisi alapha eMzantsi Afrika. Ngenxa yobuntu awaye nabo, waye wanikwa isiteketiso esithi 'Oom Ray'.

Ubomi bakhe

U"Oom Ray" wazalwa kwingingqi ebizwa ngokuba kuseMazoka kwisithili sase-Fort Beaufort. Ufunde e-Healdtown Missionary Institution eNxukhwebe kwalapho e Fort Beaufort. Wathi ke akusishiya isikolo waya kusebenza kwindawo yokuhlamba impahla eBhayi. Kulapho wafika wakhwetywa khona yimibutho yabasebenzi bekwenza oko ngombutho owawubizwa ngokuba yi"Non European Laundry Workers Union". Ngo-1943 wazibandakanya nombutho wamaKomanisi aseMzantsi Afrika. Ngo-1944 waba lilungu elipheleleyo le-ANC. Uye ke wazimanya ngeqhina lomtshato nentombi yakwa Meke, uJoyce, owayeyinzalelwane yaseFort Beaufort. Kwiminyaka eli-17 bekunye, phambi kokuba umkakhe lo asutywe ku kufa kwingozi yemoto ngo-1960, balizwa ngabantwana abathathu. Waphinda wazimanya ngeqhina lomtshato ngo1982 nentombi yakwa Heliso, uDideka esese Roben Island balizwa ngabantwana abathathu.