UAugusto Boal

U-Augusto Boal (  ; 16 EyoKwindla 1931 – 2 Ucanzibe 2009) wayengumenzi wemidlalo yeqonga waseBrazil, ingcali yedrama, kunye nomlweli wezopolitiko. Waqala umdlalo weqonga wabo bacinezekileyo kwakunye nomdlalo weqonga weforamu, uhlobo lwemidlalo yeqonga eyayisetyenziswa kwiintshukumo zemfundo ezidumileyo. UBoal wasebenza isiqingatha esinye njengoVereador (igama elifana nelikaceba wesixeko waseBrazil) eRio de Janeiro ukususela ngo 1993 ukuya ku 1997, apho waphuhlisa khona imidlalo yeqonga yomthetho .

Ubomi bukaBoal

Ebuncinaneni

UAugusto Boal wafunda kwiYunivesithi yaseColumbia eNew York kunye nomgxeki uJohn Gassner. UGassner wamazisa uBoal ngobuchule neendlela zokusebenza zikaBertolt Brecht noKonstantin Stanislavski, waza wakhuthaza uBoal ukuba akhe unxibelelwano namaqela emidlalo yeqonga afana neBlack Experimental Theatre. Ngo1955 uBoal wasa eqongeni imidlalo yakhe emibini, iThe Horse and the Saint kunye neThe House Across the Street . Ngo1956, emva kokuthweswa isidanga, uBoal wacelwa ukuba asebenze neArena Theatre eSão Paulo, kumzantsi-mpuma weBrazil. UBoal wayephethe ukuqondisa imidlalo yeqonga kunye nezinye iizifundiswa ze drama ezifana noJosé Renato, owaqala i-Arena Theatre. Kulapho waqala khona ukuzama iindlela ezintsha zemidlalo yeqonga ezingazange zibonwe eBrazil, ezifana 'nenkqubo' kaStanislavski yabadlali, awaqhelana nayo ngexesha lakhe eColumbia kwaye xa wayebandakanyeka kwiActors Studio eNew York. UBoal wazilungiselela ezi ndlela neemeko zentlalo eBrazil, esebenzisa indlela yasekhohlo kwimiba enxulumene nobuzwe, eyayithandwa kakhulu ngelo xesha kuba ilizwe lalisandul’ ukuwela ixesha elide lolawulo lorhulumente wemikhosi.