Moeletsi Mbeki
UMoeletsi Goduka Mbeki ( wazalwa ngowama30 kweyeNkanga 1945 ) yingcali yezoqoqosho eMzantsi Afrika nosekela sihlalo weZiko loMzantsi Afrika leMicimbi yaMazwe ngaMazwe, ugxumeke iintente kwiYunivesithi yaseWitwatersrand ekwanguye nomhlalutyi wezopolitiko weNedcor Bank . Ulilungu lebhunga lesigqeba seInternational Institute for Strategic Studies (IISS) esekelwe eLondon. Ungumninawa wowayesakuba nguMongameli uThabo Mbeki nonyana wenkokeli yeANC uGovan Mbeki . Usoloko esematheni ngokugxeka uMongameli Mbeki.
UMoeletsi Goduka Mbeki unemvelaphi kubuntatheli, ukhe wasebenzela iYunivesithi yaseHarvard iNieman Fellowship nakwiBBC . Usebenze kwiphephandaba iHerald njengentatheli ngethuba eselubhacweni eZimbabwe. Usoloko esebenza njengomhlalutyi wezopolitiko eMzantsi Afrikaekwanguye nombhali wephepha elinesihloko esithi "Ukuqhubela phambili kwentlupheko kwiSub-Saharan Africa" elapapashwa yi International Policy Network ngowama30 kweyeSilimela 2005. Wayengumcebisi kumajelo eendaba eANC ngeminyaka ye1990 kwaye ngoku ngusihlalo we -Endemol South Africa indlu yemveliso kamabonakude iKMM Review Publishing [1] neAfrika. [2] Ubuye waba ngumlawuli weComazar evuselela kwaye inike imvume kuthungelwano lukaloliwe eAfrika.
- ↑ "Mbeki, Moeletsi - South African businessman and political analyst" archived from the original on 3 July 2007 retrieved 7 March 2008 Unknown parameter
|url-status=ignored (help) - ↑ "Moeletsi Mbeki: Political economist" Moneyweb Power Hour 2008-02-25